Ka Hngak Hlang Ram Zion

Ka Hngak Hlang Ram Zion

(Lyrics)

Key : Db

Maw Bawipa na dawtnak kong ka ruah ah zawn ah hin
Ka thinlung le ruahnak nih hin a phan kho hrim lo..

Hi vawlei mi hna nih cun, mifim, mirum, mithiam sang
Hna cu an uput i an dawt tawn hna, sihmanhseh
Ka Pa na umnak ding ram nuam ahcun, mizei hmanh thleidan
A um ti lai lo, lungkhat in kan leng cang lai..

Ka hngak hlang ram Zion, phak lai ka hngak hlang tuk ee
Bawi Jesuh dawt ṭangnem chung ahcun, thil thuamkhat in kan leng cang lai
Thleidan nak hi lei ram nun kaltak in thleidan um lonak ram nuam..
Phak lai ka hngak hlang tuk hringhran ee;
(Ka Bawi nunnem Jesuh pawng ahcun)x2 
(Last-rep Chrous)
Ka Bawi nunnem Jesuh Khrih pawngah

Van Jerusalem Thar kan phak tikah cun mu
Sifah santlai lo hnuchih a um ti lai lo..

Ngaihchiat ṭah, aihramnak zong a um ti lai lo mithiang
Mi hna lennak ram vancung khua ahcun, mifim le
Mirum bang, minau ta hna zong hi, kan leng ve cang lai
Thawhṭhannak ram, kan i ruah chanmi ram ah..

Minung hawi theihpi lomi kan ngaihchiatnak le
Kan tuarnak kan hramnak kan chimngam lomi vialte..

Zungzal kan umnak ding ram, Jesuh sunparnak ram nuam
Kan phak tikah cun vawlei harnak hi, maw ka Pa
Na kan lakpiak dih cang hna lai i, kan mitthli vialte
Zong hnawhpiak in, na pawng ah kan leng cang lai..

Lai-Hla Bia Tlangpi : Ka Hngak Hlang Ram Zion
Online Tialtu : Jason Biak Cin Sang
Rating : 4 From 5

Share on :

Tweet