A Dawtnak Nih A Ka Cawi

A Dawtnak Nih A Ka Cawi

(Lyrics)

Key : A

Ka nunnak lamthluan ka zoh ah, Ka sualnak phuntling kei ka hmuh
Bawipa hmai, ka zoh ngam lo, Ningzak in Bawipa cu ka panh
Ka sual he Vailam ah ka fuh, A dawtnak in a ka cawi..

A Dawtnak in a ka khamh, Keimah thiam ruangah si lo
Mi chambau, misual kei cu, A dawtnak in a ka cawi..

Thlichia le tilet an thawh bang, Ka sual nih ka nun a den ee
Ka nunnak ṭha a ba tawn.., Lungdong in Bawipa cu ka fuh
Vailamtahnak hram ah ka ton, A dawtnak in a ka cawi..

A dawtnak in a ka khamh, A rianṭuan, ruang zongah a si lo
Michambau, misual kei cu, a dawtnak in a ka cawi..

Sifak le chambau in kei ka nung, Zawtnak phunkip nih a ka tlunh
Ka nunnak re a thei tuk, Ka zaangfah hram law ti'n ka au
Misual kei ka thlacamnak cu, A dawtnak in a ka leh..

A dawtnak in a ka khamh, Ka zumh khawh ruang zong a si lo
Michambau, misual kei cu, a dawtnak in a ka cawi..

Pathian sining kong ka ruah ah, A tlamtling kho lo ka nunnak
Ka sual hmanh ka thei kho lo, Siseh Bawipa cu kei ka fuh
A tlamtling lomi ka nunnak, A Dawtnak in a ka cawi..

A dawtnak in a ka khamh, Ka piangthar ruang zong a si lo
Michambau, misual kei cu, a dawtnak in a ka cawi..

Sak : Group Song
Phuah : Rev. J. Biak Peng

Lai-Hla Bia Tlangpi : A Dawtnak Nih A Ka Cawi
Online Tialtu : Jason Biak Cin Sang
Rating : 4 From 5

Share on :

Tweet