Hallelujah Amen

Hallelujah Amen

(Lyrics)

Key : D

Bawipa thangthatnak ca hmur le kaa le
Lei le dang le sining nih a tlinh lo
Hallelujah Amen tin au lawng hi
Kei ka diriamhnak a si.
A theihthiam lotu nih do hmanh hna seh
A hmu kho lotu nih soi hmanh hnaseh
Hallelujah Amen ka au ahcun
Ka taksa le thlarau thil a zaang dih..

Hallelujah Amen ka au chin lai
Hallelujah Amen ka chim peng lai
A thlum-al nak ka theih i ka duh chin
A thawnnak hmual ka hngalh ka tlaihchan khun
Hallelujah Amen ka sii tha bik
Le ka thazaang le thawnnak hriam asi..

Hallelujah Amen thawnnak thawngin
Thinhmui canser zawtnak tampi an dam
Khuachia khuavang temtawn mi nih luatnak
Hmuh in Bawipa an thangthat
Chunglei ral dohnak caah hmang cio usih
Leng lei ral dohnak caah hmang cio usih
Thlarau mi le fa hna ral kan teinak
Hallelujah Amen ka zahpi lo..

A nungmi nih Bawipa cu an thangthat
Mithi nih cun an thangthat kho ve lo
Thangthat nunngeitu hna kan muko cu
Hallelujah hi asi
Amen ti cu Jesuh Khrih min asi
Amen ahcun zeizongte a tling dih
Amen nun a ngeitu hna chungkhar hi
Lei le vanro sungbik ngeitu ansi..

Kan Bawipa dawtnak hi na Amen maw?
Kan Bawipa Thluachuah hi na Amen maw?
Kan Pathian i thlarau riantuannak hi
Na nun in na Amen maw?
Na Amenmi chungah damnak a um
Na Amen mi chungah lawmhnak a um
Na Amen mi chungah thluachuah a um
Amen in thinlung innkaa ong usih..

Sak : Naomi Par Tha Sung
Phuah : Evan. Rev. H. Thomas Uk

Lai-Hla Bia Tlangpi : Hallelujah Amen
Online Tialtu : Jason Biak Cin Sang
Rating : 4 From 5

Share on :

Tweet